Konkani Song Cheddo | Young Menezes | Old Song
Konkani Song Cheddo – Details
Song: Cheddo
Lyrics: Young Menezes
Singer: Young Menezes
Music: Cruz Noronha
Lyrics
Chintlear bhavanim ho sonvsar dista re nakam
Fugasavan mhojea dolleani bhortat dukham
Kiteak mhunnon cheddva tum poun hanstai go mhakam?
Kai bori mod hi hanvem dakhounk haddlea tukam
Dhompram khala istid kaiborem nesop tem cheddvanchem adlem
Atam mottiem korun-korun poiea piece te voir tannim kaddle
Cheddvancheo modi xinvon-xinvon khuim dorjeancheim ginean vaddlem
Hache voir paulear kitem zatelem tem tumi chintun poieat fuddlem
Kaiborim adlim amchim Goenchim cheddvam tim neso
Lamb istid ghaltoch istimosanv diso
Mod kaddtolo mista toklen zalolo piso
Khuinchorui bostanam poieat damun dhorcho poddta oso
Adlim cheddvam ghagreachi kas marun xetant voitalim noddonk
Osle istid ghaltoch bhoinni voir bosir pasun zainam choddonk
Osleo modi xinvtanam dorjeanchea mixinacheo suio teo moddom
Indiek amche hi poili mod haddlea poi tea cheddvacheim padd poddom
Marsacho mhoino sogllo magnnim korun kaddlo haiem akho
Aiz istid ghalun kantar mhunntam ugddas tumkam uronk mhazo poko
Istid angak ghatla mhunn tim cheddvam mhaka mhunntelim re choko
Punn angak cheddvam amchem kalsanv ghalun bazar koxim bhonvtat akho?
Paskanchem fest soboitolom mhunnon bhava istid hanvem ho kelo
Kitem re hi mod angak ghaltoch cholonk zainam paiank ghatla koso dista khoddo
Moienkar neson hanv bazarant vochom, vatter marunk mhaka eilo ek reddo
Istid ukhlun hanv dhanvtalom tednam lokak koulem hanv mhunn cheddo
Suggested Songs:
Goa Lyrics | Young Menezes | Konkani Song
Aitar Kela Lyrics | Young Menezes | Konkani Song
Goribanche Toulen Lyrics | Konkani Song by Young Menezes