Mog Dakoi Lyrics | Alfred Rose | Old Song Collection
Song Details:
Song: Mog Dakoi
Singer: Alfred Rose
Music: Alfred Rose
Lyrics: Alfred Rose
Lyrics
Eok tiatr zatolo zalear, tacho eok anus ghalta
Anus tho distti poddtoch, lok tiatrak yeta
Toxich ek vost khopteli zalear, ticho advertise korta
Oxem korina tor vostu khopo nam, vepari luskon zata.
Tosoch bhavani tin letramcho mog, kallzani gupit dovrun faidonam
Tho mog korneani dakounk zai, tedna distat tachim kirnam
Teach porim kazari jivitantlo mog, sov moineanuch jemenk favonam
Tho mog jivo dovrunk zai, gupit mog upkaronam.
Bapui bhurgeamcho mog korta, tankam zai titlem addun dita
Bhurgim tachim borea gunnachim zatoch, kallzan gupit murgotta
Aplea bhurgeank math vakandina, sezarcheam bhurgeank vakandta
Bhurgim tachim ghara yetoch tanchim kundnam kaddta.
Sciensin full marks tunvem addunk naim, Georgraphy first prize kiteak jikonk naim
Hea pauttim lissaum cher mon tujem tunvem dovrunk naim
Atamche examin tum tisro ailai, sang maka poilo tum kitiak yeunk naim
Lokachim bhassnam pasunk gansunk, tum atam upkarchonaim.
Bapui sanjecho ghara yeta, sunneam mazrank poxeta
Rogtachim bhurgim konxek bosleant, bapaiche mogak axeta
Ghov aplea bailecho mog korta, punn mog tika dakoina khotta
Moji bail anv mog korta mhunn zano, oxem tho ghov sozmota.
Ugdass dhorat ek vost khopo nezo, ticho anus porgott korninastanam
Toxench ghantik ghantt mhunnonk nezo, thi ghantt vazoi nastanam
Toxench ek kantar kantar mhunno nezo, kantoristan tem kantar korinastanam
Toxoch mogak mog mhunnonk nezo dusreak dakoinastanam
Toxoch mogak mog mhunnonk nezo dusreak dakoinastanam
Suggested Songs:
You Are The One Lyrics | Wilma Lopes | Leslie Vaz
Kazar Zainam Lyrics | Alfred Rose & Rita Rose