Goribanche Toulen Lyrics | Konkani Song by Young Menezes
Song: Goribanche Toulen
Singer: Young Menezes
Lyrics: Young Menezes
Music: Cruz Noronha
Goribanche Toulen Lyrics
Kai boreo vostu asat Goean
Are dhovim-ful savkam fultat toiean
Tambddim-rogot kaingam moiean
Godd kaldin zainam eka voiean
Kavok zait ghala petrol diean
Are nach-udd mojea kor vazoun pian
Amchi nodor mhunnge ek camera
Soglleancho fottu kaddieta ekach doiean
Goribanche toulen nodor marxi tor ixtta
Sourakan tanchea bhinddichim solam xizta
Duddvankarank kheu to baba moujecho dista
Te jeunchea adim tankam to pilacho sop mhunn asta
Kaiborim vorsam him mottoranim bhonvchim
Dublleanim chulin boson xeugunnam ponvchim
Rupiak don mevta postam govchim
Goribanim fokot tanchim khovllam ponvchim
Nennar utram him ghannear movchim
Vokhti pallam sogllim zomni tovchim
Adim pan-duddvan mevot chibddam-tovxim
Sov rupiani duz atam keyim muddovchim
Sangtat borim vorsam asa mhunn ievchim
Devan somestank tim borim dinvchim
Kashmirachim lugttam duddu asleleanim ghenvchim
Mhargai asosor ami sakachim suttam xinvchim
Goribanchim khobor baba konn-ek gheinam
Te ek vogot jeile zalear ek vogot jeinam
Chear rupiam khala atam nylon mei nam
Ugttea paianim bhonvlear patok kaim nam
Ghee mharog zalea mhunn bhakrek lainam
Xembor rupia pagan sogllo despeoz zainam
Sutt hem sakachem khorem punn ekdom borem
Kiteak kitlii thonddai poddlear hinv pasun khainam
Adim atth annem dilear tan bhor pieunk mevo kopachem
Sov rupiani atam fenniechem mottea mapachem
Hansonakat mhaka ghatlam mhunnon sutt hem sakachem
Hem Amerikak pavnnim kelea mol zait eka lakhachem
Suggested Songs:
Hotel De Jakin Lyrics | Young Menezes | Konkani Old Song
Goemche Kunnbi Lyrics | Nolasco Dias | Konkani Song